Anti-Cybercrime Law, Anti Press Freedom ngan Angay Igbasura, Panawagan han Bayan-SB

PAHAYAG HA MANTALAAN
October 5, 2012

Ginhuhukasan han Cybercrime Prevention Act of 2012 an kagawasan han katawhan ha pagpahayag nga nagamit han teknolohiya sugad han internet, cellphone, ngan iba pa nga higamit elektroniko. Sumala ini kan Jun Berino, Secretary General han Bagong Alyansang Makabayan (Bayan) – Sinirangan Bisayas.

Naging alternatibo na nga aragian an internet han mga suson han katawhan ha gobyerno labi na adton may kalabutan ha mga panalapas han tawhanon nga katungod, korapsyon, atbp. nga diri nahibubuksas ha mainstream media o ha mga korte han nasud.

Bisan ginpetisyunan nga igbasura an balaud, ginpirmahan ini ni Presidente Noynoy Aquino hadton Setyembre 12, 2012. Pagmalatumat han Bayan-SB, “mas nagtitikabuksas yana ha katawhan an pagkahilig ni Aquino upod an iya mga tangkod nga alipures ha Konggreso nga ig-undong bisan adton mga balaud nga natamak ha mga batakan nga kagawasan sibil nga aada mismo ha Bill of Rights han Konstitusyon”.

Sumala kan Berino nga alagid-agid an Anti Cybercrime Law ha SP Leyte Ordinance 2011-02 nga natalapas han libre nga mobilidad han indibidwal agud tahuban ngan diri na imbestigahan an damo nga panalapas han tawhanon nga katungod. Nakiling para hadton aada ha poder an pag-apruba han SP Leyte Ordinance 2011-02 ilarum naman han pamunuan ni Governor Jericho “Icot” Petilla, kilala nga suok kan Aquino.

Dugang pa han Bayan-SB nga pag-ugop ha mga poderoso, bentahuso ngan magraugdaug nga pulitiko ngan dagko nga negosyante an kinaiya han balaud kun diin hira la an nabenepisyo samtang sisirutan naman hin maksimum nga dose (12) katuig an masupak hini.

Iginladawan han Bayan-SB an pagsabalaud han Anti Cybercrime Law han igdeklara ni anay Presidente Ferdinand Marcos an Martial Law han Setyembre 21, 1972 kun diin kontrolado han diktadura an mass media ngan mga balaud han Pilipinas.

Waray “matadong nga dalan” ngan padayon pa gihap an korapsyon ha gobyerno ni Aquino, sumala han Bayan. Ha kapasibayaan han gobyerno Aquino nga pauswagon an panginabuhi han mga ordinaryo nga Juan dela Cruz, naghihimo pa lugod ini hin mga instrumento nga pugngan an nagtitikahaluag nga pag-ato han katawhan ha korapsyon, panalapas han tawhanon nga katungod ngan kontra-katawhan nga mga palisiya ha ekonomiya.

Nananawagan an Bayan-SB ha mga taga- midya ngan ha katawhan Pilipino nga padayon igbuksas ngan magkaurosa tipahan ini nga Anti Cyrbercrime Law ha iba-iba nga pamaagi. Nananawagan gihap an Bayan-SB ha mga Local Government Unit ngan mga magbaralaud nga igbasura an Anti Cybercrime Law.

Reperens:

Jun Berino
Secretary General,
Bayan Sinirangan Bisayas
0916-911-2676

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s