Bayan-SB Nagpahinumdom kan Noel: Pamuot-buot, an Tinaglawas ha Partylist, Labaw ha Ngatanan, Magbaralaud para ha mga Marginalized

Nobyembre 13, 2012

News Release

Ginsukna yana han Bagong Alyansang Makabayan Sinirangan Bisayas (BAYAN-SB) an pamulong ni An Waray Representative Florencio “Bem” Noel komo baton ha magkasurumpay nga isyu kontra ha pagin lehitimo han An Waray sulod ha balayan han Party List system. Kakulop han aga, nagpahamtang hin reaksyon hi Noel ha lokal nga radyo ngan ginbuong an maiha na hini nga pagmingaw.

 

Ha iya pahayag, gin-anunsyo ni Noel nga temporaryo niya ig-uundang an operasyon han ira opisina para “an napabulig ha ira nga mga tawo mangaro lugod ha BAYAN-SB agud masabtan kuno han mga tawo nga waray gud nira liwat mahibubulig.” Ha luyo nga bahin, nagpahayag hi BAYAN-SB Secretary General nga nasimang hi Noel ha mayor nga isyu, asya an: kanan An Waray haros waray balaudnon ha Kongreso pabor ha panmaihaan nga benepisyo han mga marginalized nga sektor.

 

Sumala han nahipatik ha lokal nga mantalaan, an negosyante ngan representante han An Waray nga hi Neil Benedict Montejo ginraday nga ira gintataglawas an “mga parag-uma, parupangisda, magtatrabaho, kablas ha syudad, ngan iba pa.” Ginklaro gihap ha ira website nga an termino nga An Waray nangangahulugan han “ang mga wala” ha Pilipino pero ginbuksas han BAYAN-SB nga hi Noel ngan Montejo in “may-ada” ngan mga multi-milyonaryo.

 

Samtang ginlinaw han BAYAN-SB ha publiko nga an ira nagin una nga pitad mayda ginhuhugutan nga basar-ha-kamatuoran nga pagbukiki han mga balaudnon nga prinsipal ginsurat han nasering nga partylist – diri la mga proyekto ngan programa – nga iya ginladawan “waray direkta nga kalabtanan ha mga sektor nga ira gin-aamkon nga pagtaglawasan.” Ginpahinumduman ni Berino hi Noel nga an tinaglawas ha Partylist, labaw ha ngatanan, usa nga magbaralaud ngan diri la simple nga tagdistribwer hin pondo han gobyerno.

 Reperens:       

 JUN BERINO, SECRETARY GENERAL

Bagong Alyansang Makabayan – Eastern Visayas

bayansb@gmail.com, 0916-911-2676

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s