Patutsada ni Noel ha mga Progresibo, Binata-bata, Arogante ngan diri Kaangayan – Bayan-SB

Nobyembre 13, 2012

News Release

Gin-anunsyo ni Noel kakulop han aga nga temporaryo niya ig-uundang an operasyon han ira opisina para “an napabulig ha ira nga mga tawo mangaro lugod ha Bagong Alyansang Makabayan – Sinirangan Bisayas (BAYAN-SB).” Ginbul-iwan ni Noel an nasering nga pamahayag komo reaksyon ha tuyo han BAYAN-SB nga igpadiskwalipikar an An Waray komo partylist.

Baton naman ni Berino nga an sugad nga pitad ni Noel usa nga “politikal nga pagbulos” ha mga progresibo nga grupo nga nagku-kwestyon han diri nira pagsalawad hin balaudnon nga mayda panmaihaan, diri la pantapal, nga solusyon ha halarum kaupay nga problema han katawhan.

“Labot pa nga ginhuhulagway ni Noel an iya kalugaringon nga baga hin waray buot nga nanginginyupo hin simpatiya ha publiko tikang mapilpil ha piliw, ginbubuksas lugod niya nga kulang hiya han tinuod nga pag-santop han balaud ha Partylist ha pag-reak ha sugad nga pamaagi,” siring ni Berino. Ginsukna niya hi Noel nga waray buot ha pangayat hini ha mga kablas nga grupo nga makipag-isan-isan kun “hin-o-iton sadang-makahatag-hin-damo ngan kun-hin-o-an-diri-akos.”

Nagklaro gihap hi Berino ha publiko nga waray hini larang makipag-isan-isan ha isyu han pondo. Pagklaro ni Berino nga bisan para han ira kalugaringon opisina himakuri makapondo an BAYAN-SB tungod kay, siring pa ni Berino, “kablas gihap ini nga organisasyon, diri sugad han riko nga An Waray, ngan naglalaum la ini ha suporta tikang ha mga alyado hini nga marginalized gihap nga mga organisasyon.”

Ha iya pahayag kakulop, patirutigda nga gin-akusaran ni Noel an lain nga organisasyon han Bayan Muna, diri la an BAYAN-SB, nga an pitad pagpadiskwalipikar kuno pamumulitika la. Dagmit naman nga ginsusnan han BAYAN-SB hi Noel ha “patigda nga pagpinan-ngaran hini nga waray anay kilal-a bisan an simple nga ngaran han grupo nga iya ginpapatutsadahan. Pagmalatumat pa ni Berino nga an iya pagminalakabubulos naabot na ha punto han paghimua nga baga hostage ngan pag-hikaw ha katawhan han pondo nga diri man iya pananag-iya.

Komo ada pa ha poder nga partylist, mayda an An Waray nabalor maksimum 140-milyon piso pondo han Pork Barrel yana nga tuig. Pagmalatumat han BAYAN-SB nga, “Nakakaibas-respeto an pagbulos ni Noel ha sugad nga binata-bata, arogante ngan diri kaangayan nga pamaagi han usa nga suruguon han katawhan nga aada pa gud ha poder.”

Reperens:

JUN BERINO, SECRETARY GENERAL

Bagong Alyansang Makabayan – Eastern Visayas

bayansb@gmail.com, 0916-911-2676

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s