Waraynon nga ngaran, gingagamit la han An Waray Partylist para mabotosan – BAYAN-SB

November 7, 2012

Press Release

 

Waraynon nga ngaran, gingagamit la han An Waray Partylist para mabotosan – BAYAN-SB

 

“Trapo ngan reaksyunaryo an AN WARAY Partylist pareho han mga indibiduwal nga politiko, tungod kay gin-gagamit la hini an Waraynon nga ngaran para suportahan ngan ibotos ini, pero ha kamatuoran nagpopostura la nga tinaglawas han mga marginalized nga sektor sugad han parag-uma, kababayin-an, kabatan-unan, parupangisda, trabahador ngan mga kablas ha syudad,” pahayag ni Jun Berino, Secretary General han Bagong Alyansang Makabayan – Sinirangan Bisayas (BAYAN-SB).

 

Sumala pa kan Berino nga ha haros siyam katuig nga pag-eksister han AN WARAY Partylist tikang han 2004 nga eleksyon han makakuha ini hin 2.11% nga botos ha tanan nga botos ha Partylist, unom la an ginproponer nga balaud ha Kongreso pero ini nga ginproponer nga balaud in waray nakikit-an han BAYAN-SB nga “magseserbe ha interes han kuno mgamarginalized nga sektor nga ira gintataglawas”.

 

Dugang pa han BAYAN-SB nga mismo an duha hini nga representante nga hira Neil Benedict Montejo ngan Florencio ‘Bem’ Noel nagtikang ha mga multi-milyonaryo nga pamilya ngan mismo an gintikangan han AN WARAY Partylist in mga dagko nga politiko sugad kan Darryl Grace Abayon nga anay syahan nga nominado  hini ngan asawa han anay Gobernador ngan nagin Congressman ha Northern Samar.

 

Ginpahayag gihap han BAYAN-SB nga “an An Waray Party List sangkay han pamilya Petilla nga asya an nagdodominar ngan nagkokontrol ha poder pan-gobyernohan dinhi ha probinsya han Leyte ngan mismo an duha hini nga tinaglawas in sunud-sunoran o niyutiyo han mga Petilla, sanglit nagpapakita la nga an AN WARAY Partylist diri tinuod nga tinaglawas han mga marginalized nga sektor.”

 

“An AN WARAY Partylist waray man la ginhimo para buligan ngan suportahan an mga isyu dinhi ha Rehiyon 8 sugad han pagtipa ha dagko nga pagmimina, paghitaas ha kabaraydan han kuryente ngan an waray wantas nga paghitaas han presyo han gasolina ngan labi na gud an militarisasyon, pagbayolar han tawhanon nga katungod, extrahudisyal nga panmatay nga binuhatan han mga kasundalohan han Pilipinas,” pagdidig-on pa ni Berino.

 

“Sanglit nananawagan an BAYAN-SB ha Commission on Elections nga an AN WARAY Partylist kinahanglan idiskwalipikar pareho  han AKO BICOL kay ginagamit la hini an Partylist para makapagpariko pa ngan para han ira pankalugaringon nga interes,” pagtatapos ni Berino.

 

Reference:

 

 

JUN BERINO, SECRETARY GENERAL

Bagong Alyansang Makabayan – Eastern Visayas

bayansb@gmail.com, 0916-911-2676

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s