US-RP Balikatan Humanitarian Assistance & Disaster Relief: Pantahob ha interbensyunismo militar han imperyalista nga US

Giya ha Pagtalakay | Igin-andam han Bagong Alyansang Makabayan Sinirangan Bisayas

Impluwensiya militar han US ha Pilipinas, nagpabilin nga makusog ha administrasyon Duterte!

Ha luyo han kontra-US nga mga pahayag ni Presidente Rodrigo Duterte sugad han iya agresibo nga mga pulong nga pabor ha pag-undong hin independent foreign policy, nagpabilin nga makusog an impluwensiya han imperyalista nga US ha nasud, labi na ha karukayaknon ekonomiya ngan militar, ha sakob han administrasyon Duterte.

Makusog nga iginrehistro han katawhan an panawagan nga igbasura an diri-patas nga mga tratado giutan han Pilipinas ngan US, bisan ha pagsulod pala han bag-o nga administrasyon, kundi nagpabilin gihap nga konserbatibo ngan diri tangkod hi Duterte ha iya mga pulong nga tumubtob la ha “pag-kanselar” han joint military exercises han US ngan Pilipinas, pero diri hul-os nga pag-utod hini.

Nagpabilin an diri-patas nga kasarabutan sugad han Visiting Forces Agreement (VFA) ngan han Enhanced Defense Cooperation Agreement (EDCA). Landaw nga nagin operasyunal an EDCA labi na katapos bulkason han Communist Party of the Philippines-New Peoples Army (CPP-NPA) ngan han gobyerno han Pilipinas (GRP) an interim unilateral ceasefires han pareho nga gapil pati an anay pagka-suspendir han negosasyon pangkamurayawan o peace negotiations dida han bulan han Pebrero.

Naghagudalan han anay kautod ha GRP-NDFP peace talks an pananabotahe han mga elemento han Armed Forces of the Philippines (AFP) ha lugaring hini nga ceasefire declaration kun diin nahipatik an ceasefire violations ha sobra 500 nga baryo ha Pilipinas. Nagpabilin nga kaway han imperyalista nga US an AFP nga nagsasabotahe han peace talks.

Balikatan 2017

Yana nga Mayo 8, pormal na nga nagtikang an Balikatan 2017 ha siyudad han Ormoc ha Leyte ngan bungto han Guiuan ha Eastern Samar ngan magtatapos ha Mayo 19.

Basar ha pahayag han Presidential Commission on the Visiting Forces Agreement (PCVFA), an pwersa-militar han US in mabulig la ha pagtukod hin mga eskwelahan ngan paghatag hin serbisyo sosyal ha Ormoc ngan Guiuan. Hi Presidente Duterte na mismo an nag-suhestyon nga an paghatag hin Humanitarian and Disaster Relief (HADR) an tutukan han “visiting forces”.

Yana nga tuig, 80 nga sundalo tikang ha Australia ngan 20 tikang ha Japan an mabulig ha maabot 2,800 nga sundalo ha Pilipinas ngan 2,600 nga sundalo nga Kano ha ira ehersisyo militar. Bisan man kun gintanggal an maritime exercises pabor ha HADR, nagpapabilin nga waray iba nga tumong an Balikatan Exercises yana nga tuig kundi an estratehiko la gihap nga pagposisyon han US ha iya pwersa pan-giyera ha nasud.

Gingagamit an HADR ha Balikatan agud makuha an simpatiya han katawhan Pilipino

Tungod han makusog nga propaganda pagbuksas han pamasista ngan paniyupi han imperyalista nga US ha nasud Pilipinas, ginpamaagian han US kun tiunan-o mapapahamot iton iya kalugaringon agud makumbinsir an katawhan Pilipino. Ginpahaluag pa han US an iya mga aktibidad pan-psywar o pagkondisyon ha huna-huna han publiko. Hugot nga nakigkunsabo an US ha mga burukrata kapitalista ha gobyerno agud utro nga hangkupon han katawhan an pagbalik ha nasud han mga base militar han US tikang han palayason ini han katawhan hadton 1991.

Ginkukumbinsir nira an katawhan Pilipino nga sangkay nira an US ngan mayda hini pareho nga interes ha kaupayan han kadam-an nga mulopyo, sugad nala han ira iginpahayag han Nobyembre ha nakalabay nga tuig, harani an ika-tulo nga anibersaryo han Yolanda. An ira mapan-uwat nga mga aktibidad asya an:

  1. Panhatag hin Humanitarian and Disaster Relief (HADR) para kuno “mapa-uswag an kapasidad han pagresponde ha mga kalamidad, serbisyo medikal, pagdonar han mga libro, ngan pagtindog o pag-ayad han mga building han eskwelahan ngan mga health centers o sentro panlawas”;
  2. Livelihood pinaagi han USAID upod han pag-papautang ha gobyerno;
  3. Paghahatag hin joint training exercises agud madugangan an kaaradman han AFP ngan panhatag hin pinaglumaan nga mga armas, sarakyan ngan higamit pan-giyera.
  4. Paghahatag hin mga counterterorrism drill sugad han advance marksmanship ngan counter improvised explosive devices (IEDs), maritime interdiction sugad han natatabo ha West Philippine Sea, ngan amphibious raids.

Ha maiha nga panahon, gingagamit han imperyalista nga US an iya Overseas Development Assistance (ODA) ngan mga pautang ha gobyerno han nasud Pilipinas para gamiton ha pagtutukod hin mga eskwelahan ngan health centers o paghahatag hin mga ayuda ha panahon nga may dagko nga daguraot agud himuon nga mahamot ngan lehitimo an ira “pagbabalik-Pinas”.

Mapapamatud-an ini han singabuton han US an grabe nga danyos nga igindurot han superbagyo Yolanda ha nasud Pilipinas para maipalusot an EDCA nga ginpirmahan ni hadton National Defense Secretary Voltaire Gazmin ngan US Ambassador Philip Goldberg ilarum han papet nga administrasyon ni Noynoy Aquino, lima la kabulan la matapos lasurbuhon han superbagyo Yolanda an Sinirangan Bisayas.

Iginpamarayaw han US an ira paspas nga panhatag hin ayuda ha mga biktima han superbagyo Yolanda kundi naipakita naman an tinuod nga rason hini. Hadton nakalabay nga tuig, “iginpahinumdom” han US Navy an ira relief and rehabilitation operations ha mga lugar nga naapektuhan han bagyo Yolanda matapos nagpahayag hi Duterte hin mga kritisismo kan anay US President Barack Obama ngan an iya paghulga nga paiwason an mga tropa militar han US ha Pilipinas.

Samtang, makikita liwat nga maiha nga gin-andaman han US ngan han gobyerno han Pilipinas an pagbase han US ha Guiuan ngan Ormoc ha Sinirangan Bisayas dida pa man han mga nakalabay nga tuig. Hadton Mayo 2016, umatendir hi US Ambassador Philip Goldberg ha usa nga seremonya han Millennium Challenge Corporation of the USA ha Eastern Samar kun diin nahilakip an pagpondo hin 222.49-M dolyar nga nakaalotaga para ha pagpaupay ngan rehabilitasyon han Paranas-Taft-Borongan-Guiuan nga dalan.

Dida naman han Septyembre 2016, nadiskusyunan na han alkalde han siyudad han Ormoc nga hi Richard Gomez kaupod an pira nga mga sundalo nga Pilipino ngan Amerikano an pag-host han siyudad han Balikatan kun diin iginpatapod han mga sundalo nga papaupayon nira an peace and order situation ha siyudad. Salit pa man, an igintatanyag han AFP ngan pwersa-militar han US nga “humanitarian” an rason han ira pagbase ha Sinirangan Bisayas in usa la nga buwa ngan utro pagtukod hin pundasyon para ha pagpahaluag han imperyalista nga gahum han US, ngan para gamiton an Pilipinas ha military projection hini kontra ha iba nga nasud nga ira kaaway sugad nala han North Korea. Usa la gihapon ini nga pagtalapas han soberanya han nasud.

Nagin pamaagi liwat ini ha padayon nga pag-kontrol han US ha mga domestic affairs han Pilipinas.

Estratehiko para ha US nga magbase ha Pilipinas

Sugad han mga probisyon ha EDCA, pwede magtukod an US hin kampo ngan mga ginkikinahanglan nga imprastruktura, pasilidad ngan libre nga paggamit han utility (tubig, kuryente, ngan iba pa), magtambak hin armas, dumuong ngan serbisyuhan an ira mga sarakyan pan-giyera, magtukod hin communication facilities, ngan maglansar hin durudilain nga mga aktibidad an bisan ano kadako nga ihap han armado nga pwersa han US ngan mga contractors nira ha tinatawag nga “agreed locations” (ginkaurusahan nga lokasyon) ha Pilipinas sugad han Ormoc ha probinsiya han Leyte ngan Guiuan ha Eastern Samar. An Eastern Visayas aada mismo ha ganggang han Dagat Pasipiko.

Para ha pinakamakusog nga nasud ha bug-os nga kalibutan, an Pilipinas nahimumutang ha pinaka-estratehiko nga lokasyon. Para ha US, paborable nga magpabilin an Pilipinas ha iya dominasyon para makontrol an balyuay ngan komersyo ha rehiyon Asya-Pasipiko nga asya an pinakahaluag nga kuhaan yana han natural nga karikuhan, barato nga hilaw nga materyales, kusog pagtrabaho ngan haluag nga merkado nga baligyaan han iya mga surplus nga produkto kaupod na an pagbaligya hin mga armas ngan higamit pan-giyera.

Nahimumutang ha kadelikaduhan an nasud Pilipinas pinaagi han pagbase han US

Ha pagbalik han base militar han Kano, maghahatag ini hin dalan para magin lansaran an Pilipinas hin giyera ngan panghinlabot han US ha nasud, ngan ha bug-os nga rehiyon. Naibubutang ha kadelikaduhan an rehiyon ngan an bug-os nga nasud tungod han presensya han tropa nga Kano labi na ha presente nga paghulga han North Korea, nga andam hira depensahan an ira kalugaringon soberanya kontra han agresyon han US ngan ada an posibilidad nga bweltahan an mga base-militar han US nga nakaposisyon ha mga alyado hini nga nasud sugad ha Pilipinas.

Samtang, ginpapahitaas naman an tensyon giutan han Pilipinas ngan Tsina ha pagbabase han US ha nasud. Man ngani, ha usa kabahin, gin-admiter naman han anay Presidente han US nga hi Barrack Obama – hadton pagbisita niya ha Pilipinas – nga waray ha kasarabutan an pagprotehir han US ha Pilipinas kontra Tsina ngan waray hira plano nga rub-on an ira maupay nga sabot han Tsina. Pero posible pa ini dumuroy nga kamutang matapos han nakatalaan nga pagbisita ni US President Donald Trump ha nasud dida hiton bulan Nobyembre.

US an numero uno nga makigi-gyerahon ha kalibutan

Di angay hingalimtan nga an US an numero uno nga nagpasamwak hin giyera ha durudilain nga parte han kalibutan sugad nala han nahitatabo yana ha Syria, Afghanistan, pira nga mga nasud ha Middle East ngan Africa, ngan yana nag-anak pa hin mga terorista nga grupo. Mahihigop han Pilipinas an mga atake han damo nga kaaway (aktwal ngan potensyal) han US komo usa nga host han base militar hini.

Kontra-terorismo ngan kontra-insurhensiya la gihap an rason han Balikatan. Ginpapaduroy han US an kontra-insurhensiya ngan kontra-terorismo nga programa han AFP ha nasud. Man ngani, an US la gihap an nangunguna ha kontra-insurhensiya nga programa ilarum han administrasyon Duterte nga gintawag nga Oplan Kapayapaan.

Basar ha news release nga iginpagawas ha US Marines website, may-ada control center an visiting forces ha Cebu ngan mayda hini satellite stations ha Panay island, Ormoc ngan Guiuan kun diin mayda naman hira gintatawag nga simulation han communication systems tikang ha ira command center ha Visayas pero waray klaro nga pahayag kun para diin ini gagamiton. Basar ha mga report, may-ada mga naglulupad-lupad nga drones ha ika-tulo nga distrito han Leyte nga posible kaparte na han ira plano nga interbensyon ha mga rebolusyonaryo nga pwersa ha rehiyon nga naglalansar hin gerra sibil kontra ha gobyerno han Pilipinas.

Diri angay kalimtan an mga pan-abuso ngan krimen han US ha Sinirangan Bisayas

Waray utang nga kaburut-on an katawhan han Sinirangan Bisayas ha Estados Unidos kundi hira pa ngani an angay magbaton ha katawhan ha rehiyon ngan bug-os nga Pilipinas. Kun aton babalikon an kasaysayan ha rehiyon, diri naton angay kalimtan an nahitabo nga pag-masaker han maabot singkwenta mil (50,000) nga mga sibilyan ha Balangiga dida han tuig 1901 kun diin gingamit ni US General Jacob Smith an palisiya nga “scorge the earth!” nga nagpatay han tanan nga kalalakin-an nga na-edad hin 10 anyos tipa-igbaw; ngan an Seige of Calbiga han tuig 1900 nga nagdurot hin danyos nga maabot 150.

Usa naman nga sibilyan an ginpatay hin usa nga US Navy personnel ha usa nga irinuman ha siyudad han Tacloban matapos hini pagkastiguha nga nagin kawsa han iya pagkamatay. Waray ini ginkasuhan han Philippine National Police ngan iginpagawas la nga naligis han garbage truck. Natabo ini dida han tuig-2015. Waray papagbatuna han gobyerno an gin-akusaran ngan hasta yana waray la gihapon katagi hin hustisya an biktima.

Diri naman harayo nga mahitabo utro an diri-makatawo ngan brutal nga pagpatay kan Jennifer Laude han usa nga US Marine nga hi Lance Corporal Joseph Scott Pemberton nga nakabase ha Pilipinas tungod han VFA-EDCA. Bisan pa man ha proklamasyon nga diri poyde gumawas ha ira kampo an mga visiting forces kun waray upod nga personnel tikang ha AFP, diri ini garantiya nga waray mahitatabo mga pagtalapas ha katungod han kababayin-an ngan mga LGBT.

 

Kontra-katawhan an pagtindog han US hin base militar ha Sinirangan Bisayas, o kun diin man nga parte ha Pilipinas

Sukwahi ha igin-hahambog ni Ormoc City Mayor Richard Gomez ngan Guiuan Mayor Sheen Gonzalez nga pagbulig han tropa han Kano ha ira mga tagsa-tagsa siyudad o bungto, diri pabor para ha mga mulupyo han ira lugar ini nga Balikatan exercises.

Kun titimbangon, guti-ay la an ayuda nga pag-ayad hin mga eskwelahan an iginhahatag han tropa han kano. Lugod, responsibilidad han gobyerno han Pilipinas an mag-tukod hini nga mga imprastruktura. Ha mas haluag nga paglantaw, pwede pa nga may iba pa nga adyenda an mga alkalde para han ira pag-suporta han ehersisyo militar ha ira lugar.

Labot la nga iginbubutang an katawhan Pilipino ha kadelikaduhan pinaagi hin paghimo han US ha Pilipinas komo usa nga base pan-giyera, gingagamit gihapon ini niya ha iya kalugaringon nga interes sugad han pagpahaluag han iya lupgop ngan kontrol ha ekonomiya ha Asya-Pasipiko.

Mahinunumduman nga igindeklara dida han tuig-2008 ni anay Secretary of State Hillary Clinton nga mapihit (Pivot to Asia) an 60 porsyento nga kusog pan-militar han US ha rehiyon Asya-Pasipiko tungod kay ini na an magigin pinakadako nga merkado ha kalibutan ha tuig-2020.

Ginsisiguro han US an iya gahum ngan impluwensya pan-ekonomiya ha bug-os nga rehiyon para dugang nga magpulos an mga monopolyo kapitalista ha ira nasud samtang ginpapabilin nga kablas an katawhan ha mga nasud hini nga rehiyon sugad nala han Pilipinas.

An mga neoliberal nga palisiya nga igin-imponer pinaagi han mga burukrata kapitalista ha sulod han gobyerno han Pilipinas an kawsa han padayon nga mga programa ha pribatisasyon, deregulasyon ngan liberalisasyon.

Apektado hini an katawhan Pilipino sugad han maiha na nga panahon nga pagtagundiri ha libre nga panhatag han tuna ha mga parag-uma. Ginpapadayon an atrasado ngan pre-industriyal ekonomiya tungod han monopolyo nga kontrol han pipira la nga mga pamilya ngan korporasyon ha dako nga parte han katunaan ha Pilipinas.

Padayon nga pinapaboran han gobyerno han Pilipinas an mga dagko nga kapitalista tungod han padayon nga kontraktwalisasyon ha mga trabahador, paghitaas han matrikula ha mga eskoylahan, pag-iban han badyet ha sektor han serbisyo sosyal sugad ha edukasyon ngan panlawas, pagbaligya ha pribado nga sektor han mga importante nga utilities sugad han kuryente ngan tubig, ngan iba pa.

Ulang ha pagkab-ot hin kamurayawan an presensya han mga Kano ha nasud

Yana nga iginduduso han katawhan Pilipino an tinuod nga reporma para ha mga kablas ngan yana nga mayda pag-abre an administrasyon Duterte para ha iristorya pangkamurayawan, makusog liwat an mga pitad han mga maka-tuo ngan maka-US nga paksyon ha sulod han administrasyon nga igsabotahe ini. Man ngani, ginngaranan han US nga mga terorista an rebolusyonaryo nga grupo han CPP-NPA.

Iginpapatuman han US an iya interbensyon gamit an mga instrumento ha pamuypoy han estado sugad han AFP ha pagdumara ni National Defense Secretary Delfin Lorenzana ngan han mga maka-US generals nga nagsusulsol ha gobyerno Duterte nga magin pabaru-bag-o ha katindog mahitungod han pagduso hin kamurayawan nga nakabasar ha hustisya.

Ha giya han US counter-insurgency (COIN) guide, nahimugna an Oplan Kapayapaan nga ha esensya pagpadayon la han nakalabay nga Oplan. Nagpabilin nga militarista an daup han AFP ha pagpuypoy ha armado nga rebelyon ha Pilipinas samtang gintatahuban ini pinaagi han kuno Community Development Projects o an anay Peace and Development projects.

Pangunahan han mga patriyotiko nga pwersa an panawagan nga igbasura an diri-patas nga mga tratado militar ngan kasarabutan ha ekonomiya!

Kinahanglan magkaurusa an katawhan Pilipino para ig-insister an aton soberanya ngan ipatuman han gobyerno Duterte an independent foreign policy. Kinahanglan masabtan han katawhan, partikular han mga mulopyo han Sinirangan Bisayas an prinsipal nga katuyuanan han Balikatan 2017 nga asya an padayon nga interbensyon han US ha internal affairs (iristoryahon pansakob) han Pilipinas.

Militante ngan agresibo nga maglansar hin mga paggios kontra ha Balikatan ngan anupaman nga porma han “mutual” military exercises. Kinahanglan naton igbuksas, ipanawagan ngan gumios nga igbasura an diri-patas nga mga tratado sugad han Mutual Defense Treaty (MDT), Mutual Logistics Support Agreement (MLSA), Visiting Forces Agreement (VFA) ngan Enhanced Defense Cooperation Agreement (EDCA).

Dugang nga magin mabinantayon ha pagudti-gudti nga ayuda nga iginhahatag han US ha porma han Overseas Development Assistance (ODA) kun diin kabalyo hini an dagko ngan mapanhibang nga palisiya han gobyerno Pilipinas nga mas napabor ha interes han US.

Maksimisahon an ngatanan nga oportunidad nga igduso an gobyerno Duterte nga 1) palayason an mga pwersa-militar han US ha nasud; 2) magin tangkod ha iya mga pahayag pagduso hin usa nga independent foreign policy; 3) igsulong an tinuod nga reporma para ha katawhan nga sukwahi ha reporma nga igintatanyag han imperyalista nga US.

Kinahanglan pangunahan han mga progresibo ngan patriyotiko nga pwersa an pag-urusa ha katawhan pinaagi han padayon nga pagpukaw, pag-organisa ngan pagpagios agud igbuksas ngan atuhan an mga maniobra han US ha natad pan-militar ngan pan-ekonomiya.

Kinahanglan naton igpakita an rebolusyonaryo ngan militante nga tradisyon ha pag-insister han aton lugaring nga soberanya. Diri tugutan han katawhan nga igsabotahe han US ngan han AFP an larang han katawhan nga magkamay-ada kamurayawan nga nakabasar ha hustisya.###

 

Maksimisahon an ngatanan nga midyum ngan porma han pagpukaw, pag-organisa ngan pagpagios han katawhan ha iba-iba nga sektor ngan lugar panarabahuan. Maksimisahon an social media ngan an tradisyunal nga midyum han radyo ngan TV para igbandera an makatadungan nga pagtipa ha Balikatan. Himuon an tanan nga creative ngan partikular nga pamaagi ha kada tagsa nga sektor agud epektibo nga maipasamwak an makatadungan nga mensahe.

Yana nga Mayo 15, bunyog ha usa gios protesta nga pagbubuhaton harani ha Leyte Provincial Capitol, nga sasabayan hin magkadirudilain nga parte han Sinirangan Bisayas. Ha maabot naman nga Hunyo 12, usa nga panhiluagan nga mobilisasyon han magkadurudilain nga sektor ha rehiyon an magkakatitirok ha usa nga gios-protesta ha siyudad han Tacloban para ha nasudnon nga pagkaurusa kontra ha Balikatan ngan imperyalismo nga US.

Panlantaw* Feature | Just the Same Old Wolf: A Brief Anatomy of IPSP Bayanihan

Just the Same Old Wolf: A Brief Anatomy of IPSP Bayanihan

After Oplan Bantay Laya’s (Freedom Watch) frustration to win an ambitious war against state enemies, a new Oplan unfolds to make up for defeats suffered by its militarist and widely criticized predecessor Bantay Laya 1, 2 & Extension. Oplan Bayanihan (OpBay) is simply the counter-insurgency plan dressed anew. It is patterned by the US-Aquino II Regime from the United States’ Counter Insurgency (COIN) Guide of 2009. While it has consistently denied allegations of human rights violations in the previous Oplan, the new Internal Peace & Security Plan (IPSP) Bayanihan said it will not win this counter-insurgency war by “just killing the person” or its perceived ‘enemy’ as it did in the previous plans but by winning him by championing “peace & development.” With new strategies and concepts at hand, a “new paradigm” unfolds.

A new paradigm?

Oplan Bayanihan (IPSP Bayanihan) boasts its “paradigm shift.” It is a deviation from “defeating the enemy” to “winning the peace” and giving equal and same emphasis to combat and non-combat dimensions of military operations.  Even with the concept of winning the peace, OpBay mandates massive and focused military operations. It means identifying a target area where all firepower and military force shall be concentrated. Meanwhile, non-combat dimensions of military operations espouse the tactic of giving emphasis on Civil Military Operations (CMO) and their effective use of the Civilian Relations Service (CRS). The CMO’s activities include giving relief missions, medical missions and other humanitarian mission, while the CRS has for its goal the saturation of military propaganda in the mainstream mass media.

This so-called paradigm shift offer new names with the same old concepts. The “Reengineered Special Operations Team” (RSOT) is now known as the “Peace and Development Teams” (PDT). The PDT focuses on “clearing” the Barangays. By clearing means the military focuses on one barangay which they believe to be an insurgency hotbed or barangay which has an ongoing anti-feudal struggle or active peasant organization and movement. Once they were able to identify the Barangay, they will have their military installation on said barangay and conduct their so-called “Community Organizing for Peace and Development.” Its aim is to allegedly “bring the government closer to the people” by delivering basic social services, constructing schools and roads, all for the purpose of counter insurgency.

The “Peace and Development Teams” is programmed to identify the peasant leaders in the target community. Upon identification, they will use their “hard” and “soft” approach. By soft approach, they do convincing of the identified peasant leader or the community leader to cooperate and to “give information” on the alleged concentration of rebels in the community. If said leader choose not to “cooperate,” the time comes for the “hard” approach. “Hard approach” includes subjected the person to harassment, threat, intimidation, interrogation, physical assault, torture, and worse, killing.

The “Strategic Holistic Approach” (SHA) is dressed anew as the “Whole of Nation Approach” but a new concept like “People-Centered Approach” is introduced. By the “Whole of Nation Approach,” it prescribes concerted efforts of all concerned—the National Government, the Local Government Units, Government Agencies, Non-Governmental Organizations, Civil Society Organizations, and the people as a whole, they being the recipient of “peace and development” efforts of the government. All of these components are all under the command and control of the Armed Forces of the Philippines. “Under the command” would translate that all agencies/government units will all be waiting for the AFP to prescribe them what they will do, when to do it, and how it would be done.

Still militaristic

OpBay allows a clear transgression and affront to the Constitutional mandate that “Civilian authority is supreme over the military.” In a much simpler term, OpBay is an implied Martial Rule. The “People-centered Approach” gives emphasis to the military’s compliance to human rights, international humanitarian law, and the rule of law. This is a concept which is both an admission of guilt and a façade used to fool the people into showing the “good side” of the military but in reality; they still espouse their barbaric and mercenary nature.

This new packaging is based on the 2009 US COIN (Counter-insurgency) Guide and the military document “Civilianizing the Counter-Insurgency War” written by Gen Francisco Cruz, Jr. of the Armed Forces of the Philippines. The military document gives emphasis to two points: the vital role of the government agencies and the vital role of the local chief executives. The clear-cut practice in compliance with this document is the formation of the Regional Peace and Development Councils and the Provincial Peace and Order Councils. Said formations showcases the “cooperation” of all heads of government agencies, local chief executives, the police and the military: “whole of nation approach” at work.

In harmony

The Governor is mandated to act as a Brigade Commander while a Mayor is mandated to act as a Battalion Commander. The local chief executives are called to act out their vital role in winning the counter-insurgency war; this translates to giving a civilian face to the military concepts and military war.

The heart of OpBay is banked on the concept of “perception of relative deprivation” and “exploitable issues.” OpBay sees the economic condition of the Philippines with “unequal economic opportunity” and the presence of a “large gap between the rich and the poor.” However, OpBay do not see this economic situation as the root cause of insurgency in the country. OpBay sees that there is only the so called “perception of relative deprivation” which causes the people to think that he is poor and that he needed to demand from the government or take up arms because the “left” is using the so called “exploitable issues” to “fuel” and “convince” the people to think as such.

In sum for OpBay, economic crisis, poverty, hunger exist only in the minds of the people; hunger, poverty, human rights violations and other issues are only “exploitable issues”. Because of this premise, the government through the AFP, the prime mover of OpBay, will do everything and will use all efforts to change the “perception” of the people towards the government. The Millennium Challenge Corporation (MCC) is a major counter-insurgency project in relation to changing the perception of the people. The AFP thinks that even without land reform or peasants owning their own lands as long as the government constructs roads to far-flung areas, the farmers would think there is development coming into their households. Everything the local government units and government agencies are doing, through the mandate of the AFP, is only aimed at changing the perception of the people towards the government. In brief terms, OpBay has become a grand psywar scheme.

Lastly, OpBay has espoused in its pronouncements the phrase “peace and development” as its main propaganda battle cry. By peace, they mean opposition is absolutely absent; and by development, they mean constructing roads and giving conditional cash transfers. However, peace and development cannot just exist in the minds and eyes of the people but it must arise from a material condition wherein there is genuine agrarian reform and national industrialization. Genuine peace shall come if it is based on justice while development will only truly exist by addressing the cause of the persistent economic crisis shrouding the whole Philippine Archipelago. (Article by KC, Panlantaw July 2011 Issue)

*Panlantaw is the official publication of Bagong Alyansang Makabayan-Eastern Visayas.